|
بيانات |
|
بير نئچه واخت بوندان اؤنجه، «آزاد تربيون» آدلی سايتدا، «آذربايجان دموکرات فرقه سينين ايچ تشکيلاتی» آدلانان قورومون بيلديريشی يئرلشديريلميشدير. بيلديريشده قيد ائديلير کی بو ساختا «قوروم» بير ايل بوندان اؤنجه تشکيل اولونموشدور و گويا تبريزده فعاليت گوسته رير. ماراقلی حال بودور کی، بئله بير قورومون اورتايا چيخماسی، آذربايجان دموکرات فرقه سينين فعاليتی يئنی بير مستويده داوام ائتديريلديی بير زامانا تصادف ائدير. آذربايجان دموکرات فرقه سی، اؤز يارانماسينين ۶٠ ايلليی عرفه سينده بئله بير بيلديريشين يايلماسينی، ۳٠ ميندن آرتيق شهيد وئرن و اوچ يوز ميندن آرتيق سورگونه معروض قالان آذربايجان خالقينا و آذربايجان دموکرات فرقه سينه قارشی يونلن تخريبات حساب ائدير. قيد ائديريک کی آذربايجان دموکرات فرقه سينين هئچ بير ايچ و يا خارجی قاناد و بيروسو يوخدور. ايراندا دموکراتيک آزادليقلارين اوغروندا گئدن مبارزه لر نتيجه سينده، سياسی پارتييالارين آزاد فعاليت گوسترمه سی اوچون شرايط يارانديقدان سونرا، آذربايجان دموکرات فرقه سی، بهمن انقلابيندا اولدوغو کيمی، اؤز علنی فعاليتينه باشلاياجاق و آذربايجان خالقينين ملی حقوقلارينين الده ائديلمه سی اوغروندا مبارزه سينی اؤلکه داخلينده علنی شکيلده داوام ائتديرجکدير. سوندا، ايران و آذربايجانلا علاقه دار اولان بوتون سياسی پارتييالارين و انفورماسييا مرکزلرين سايتلاريندا بئله بير ساختا قورومون بيلديريشينی يئرلشديرمه مه لری اوچون اونلارا تشکر ائديريک و اينانيريق کی آذربايجان خالقی بئله بير تخريباتلارا اويماياجاقلار.
آذربايجان دموکرات فرقه سی ۱٩ شهريور ۱۳۸۳
|